Սանտի Կասորլա

Սանտի Կասորլան ծնվել է 1984թվ.-ի դեկտեմբերի 13-ին իսպանական Լյաներա քաղաքում։ Սկսել է ֆուտբոլով զբաղվել «Օվյեդո» ակումբում, որտեղից էլ 17 տարեկան հասակում տեղափոխվել է «Վիլյառեալ»։

2003 թվ.-ի նոյեմբերի 30-ին առաջին հանդիպումն է անցկացրել «Վիլյառեալի» հիմնական կազմում։ 2005/06 մրցաշրջանում առաջին հանդիպումն է անցկացրել Չեմպիոնների լիգայում և իր թիմի հետ հասել է մինչև կիսաեզրափակիչ։2006թվ.-ի հուլիսի 7-ին Կասորլան 600 հազար եվրոյի դիմաց տեղափոխվում է «Ռեկրեատիվո»։

«Ռեկրետիվոյում» Կասորլան հիանալի խաղ է ցուցադրում, և «Վիլյառեալի» ղեկավարությունը օգտվում է նրան ետ գնելու հնարավորությունից։ 2008թվ.-ի սեմտեմբերին Կասորլան Մադրիդի «Ռեալից» առաջարկ է ստանում, բայց չի ցանկանում տեղափոխվել «Արքայական» ակումբ և մնում է «Վիլյառեալում»։

2011թվ.-ի հուլիսին Կասորլան 19 մլն եվրոյի դիմաց տեղափոխվում է իսպանական «Մալագա», որտեղից էլ մեկ տարի հետո տեղափոխվում է «Արսենալ»։ Կասորլան 2008թվ.-ին և 2012թվ.-ին

Իսպանիայի ընտրանու կազմում դարձել է Եվրոպայի Չեմպիոն։ Ծանր վնասվածքի պատճառով ստիպված է եղել բաց թողնել 2010թվ.-ի Աշխարհի առաջնությունը։