ՄԱՐԶԱԲԱԶԱ

«Արսենալի» մարզաբազան գտնվում է Հերտֆորդշիրեյում, որտեղից «Էմիրեյս» մարզադաշտ 45 րոպեի ճանապարհ է: Այն համարվում է Անգլիայում լավագույն մարզաբազաներից մեկը, եթե ոչ լավագույնը:

Հիմնականում այստեղ մարզվում են մոտ 60 ֆուտբոլիստներ, իսկ հանգստյան օրերին իրենց խաղերն են անցկացնում «Արսենալի» ռեզերվը և մինչև 18 տարեկանների թիմը:

Մարզաբազան իր մեջ ներառում է 10 խաղադաշտ, որոնցից յուրաքանչյուրը հագեցած է ավտոմատացված հակահրդեհային համակարգով: Խաղադաշտերից երեքը նախատեսված է երեխաների համար, երեքը` ռեզերվի ֆուտբոլիստների և երեքը հիմնական կազմի համար: 10-րդ խաղադաշտում, որը կրում է Ջորջ Արմստրոնգի անունը, ստուգողական հանդիպումներ է անցկացնում «Արսենալի» հիմական կազմը:

Արսեն Վենգերը մեծ դեր ունի այս մարզաբազայի կառուցման գործում: Մարզաբազայի կառուցվածքով զբաղվել է Վենգերը իր օգնականների հետ:

Մարզաբազան զբաղեցնում է 578 700 մ², որից 182 108,5 մ² անտառածածկ է (27 000 ծառեր): 2004/05 մրցաշրջանի սկզբում հատուկ գոտի է կառուցվել նաև լրատվամիջոցների ներկայացուցիչների համար: